रोहिदासा शिवराईसाठी । दिली पुंडलिका भेटी ॥ १ ॥
पुंडलिका झाला अनुताप । धन्य सत्य गुरु माय बाप ॥ २ ॥
जन्मा येऊनियां काय केली करणी । व्यर्थ शिणविली जननी ॥ ३ ॥
नऊ महिने ओझें वागऊन । नाहीं गेला तिचा शीण ॥ ४ ॥
ऐसा झालो अपराधी । क्षमा करा कृपानिधी ॥ ५ ॥
ऐसा पुंडलिका भाव । उभा केला पंढरीराव ॥ ६ ॥
भक्त पुंडलिकासाठी । उभा भिंवरेच्या तटी ॥ ७ ॥
कटावरी ठेवूनी कर । उभा विटेवरी नीट ॥ ८ ॥
ऐसा भाव धीर म्हणे गोरा । तीर्था जा फजितखोरा ॥ ९ ॥
संत गोरा कुंभार अभंग
- निर्गुणाचा संग धरिला जो आवडी । तेणें केलें देशधडी आपणासी
- निर्गुणाचें भेटी आलों सगुणासंगें । तंव झालो प्रसंगीं गुणातीत
- वंदावे कवणासी निंदावें कवणासी । लिंपावें गगनासी कवण लिंपी
- कायसास बहु घालिसील माळ । तुज येणेविण काय काज
- कवण स्तुति करूं कवणिया वाचे । ओघ संकल्पाचे गिळिलें चित्तें
- नामा ऐसें नाम तुझिया स्वरूपा । आवरण आरूपा कोण ठेवी
- अंतरीचें गुज बोलूं ऐसें कांहीं । वर्ण व्यक्त नाहीं शब्द शून्य
- केशवाचे भेटी लागलें पिसें । विसरलें कैसें देहभान
॥ Suggested Blogs ॥
॥ संतांचा महिमा ॥
-
संत एकनाथ
-
संत चोखामेळा
-
संत ज्ञानेश्वर
-
संत जनाबाई