कर कटावरी तुळसीच्या माळा । ऐसे रूप डोळा दावी हरी ॥१॥
ठेविले चरण दोन्ही विटेवरी । ऐसे रूप हरी दावी डोळा ॥२॥
कटी पीतांबर कास मिरवली । दाखवी वहिली ऐसी मूर्ती ॥३॥
गरुडपारावरी उभा राहिलासी । आठवे मानसी तेची रूप ॥४॥
झुरोनी पांजरा होऊ पाहे आता ।येई पंढरीनाथा भेटावया ॥५॥
तुका म्हणे माझी पुरवावी आस । विनंती उदास करू नये ॥६॥
संत तुकाराम अभंग
॥ Suggested Blogs ॥
॥ संतांचा महिमा ॥
-
संत एकनाथ
-
संत चोखामेळा
-
संत ज्ञानेश्वर
-
संत जनाबाई